大陸人在日本的香港人遊行說
香港是正義的
12月15日喺日本東京有個香港人遊行，同上次拍片嘅10月遊行路線一樣，喺日比谷公園出發兜一圈返去。
今次大家會見到我無喺現場，因為我有事返咗香港幾日，但係我哋無料案內所都有出席今次遊行，會由一路負責拍攝同製作嘅古龍喺現場拍片比大家，順便講下今次有咩特別事發生。
今次比起上次喺東京嘅香港人搞手好明顯加強咗準備，例如預備多咗旗幟比大家舉呀，多咗唔同嘅牌比大家一唔行一路舉比人睇。嗌口號以防有人好似上次咁唔識日文英文口號，有埋牌同紙比大家睇，仲喺遊行之前post咗一條教學片比大家遊行前學一學，非常有心。
而今次最令我哋開心嘅係喺遊行嘅時候見到一位大陸人參與遊行，而且佢係支持香港嘅，喺佢一路行一路接受立場新聞訪問嘅時候，佢話佢支持香港，覺得香港係正義嘅，反之共產黨就又唔比人有言論自由，唔似香港咁有自媒體等等。（可用DSCF9365後段）
雖然我唔喺現場，但我哋開會傾返個遊行同佢講嘅嘢個陣，其實我都有發現嚟到日本讀書嘅一啲中國人同學有啲都明白事理，愛國同愛黨有人會分開，所以先要嚟日本享受真正嘅自由。今次呢條片見到雖然我開台時被大陸人攻擊過，但其實可以睇到唔係個個人都咁無質素。把口生喺人度，5毛點攻擊你都唔洗理，只要行得正企得正做正事，一定會有人睇到。
最後交代下無料案內所點解咁耐無上水，相信有入我哋Fb文宣group嘅大家都知我忙到無乜時間處理文宣內容。因為喺日本其實暫時係無budget搞媒體，但又好想用online嚟做到自己想做嘅作品，所以要一路喺出面做嘢一路搞無料案內所，而最近外面接啲工作多咗所以無料嘅出片頻率開始變得唔穩定，真係唔好意思。
話雖如此，呢一個半月籌備緊一首cover，係男兒當入樽嘅片尾曲世界が終わるまでは嘅廣東話版，呢首歌想講「如果宜家放棄，比賽就結束」呢個不能放棄嘅信念，同一個音樂channel CafeMoCHA合作做歌，蕭慶峰填詞，仲有一位動畫師畫MV，希望年尾可以送到一首感動人心嘅歌比大家。
《無料案內所》簡介
無料＝免費；案內＝介紹。無料案內所是一個娛樂平台，Ernest 與不同主持人為大家放送日本相關的影片和資訊。
《無料案內所》SNS
Facebook
https://www.facebook.com/muryouannaiasia/
Follow Ernest
https://www.instagram.com/ernest_pch/
